डोटीमा भएको बस दुर्घटनामा परी ज्यान गुमाएका तीन जनाको सनाखत भएको छ। जिल्ला प्रहरी कार्यालय डोटीका प्रहरी नायब उपरिक्षक ईन्द्र मल्लले दुर्घटनामा परी ज्यान मुगाएका तीनै जनाको सनाखत भएको बताए।  

दुर्घटनामा अछामको बान्नीगढी जयगढ गाउँपालिका ३ का ५९ वर्षीय पदम साउँद, चौरपाटी गाउँपालिका ७ का ३१ वर्षीय टीकारा विक र साफेबगर नगरपालिका २ का ५५ वर्षीय लक्ष्मीदेवी विकको मृत्यु भएको प्रहरी नायब उपरिक्षक मल्लले जानकारी दिए।

उनहरुको शव परीक्षणका लागि जिल्ला अस्पताल डोटीमा राखिएको छ। यस्तै दुर्घटनामा परी घाईते भएका २९ जना मध्ये १२ जनाको अवस्था गम्भीर रहेको छ भने चालक पनि समान्य घाईते भएको प्रहरीले जनाएको छ। घाईतेहरुको जिल्ला अस्पताल डोटीमा उपचार भईरहेको छ।

कैलालीको त्रिनगर नाका हुँदै भारतबाट फर्किएका ३२ जना यात्रु सवार ना ६ ख २५२९ नम्बरको बस आज बिहान डोटीको पूर्वीचौकी गाउँपालिका १ फुलौटमा दुर्घटनामा परेको थियो। बस सडकबाट झण्डै ५० मिटर तल खसेको छ। दुर्घटनाको कारण खुलेको छैन्।