कैलालीमा निर्माणाधिन गेटा मेडिकल कलेजमा कार्यरत एक जना मजदुरको मृत्यु भएको छ। कञ्चनपुरको कृष्णपुर नगरपालिका वडा नम्वर ८ की २० बर्षीया मिना पालीको गेटा मेडिकल कलेको चौथो तलाबाट खसेर मृत्यु भएको हो।

कैलालीको गोदावरी नगरपालिका वडा नम्वर ५ मा निर्माणाधिन गेटा मेडिकल कलेजमा कार्यरत उनको अस्पताल भवनको चौथो तलाबाट खसेर मृत्यु भएको ईलाका प्रहरी कार्यालय कैलालीका प्रमुख तथा प्रहरी नाय उपरिक्षक ज्ञानवहादुर विष्टले बताए। 

जिल्ला प्रहरी कार्यालय कैलालीका प्रहरी नायव उपरिक्षक प्तिक विष्टले भवनबाट खसेर घाईते भएकी पालीको उपचारका क्रममा निसर्ग अस्पतालमा मृत्यु भएको बताए।

साउन पहिलो साता निर्माणाधिन गेटा मेडिकल कलेजमा कार्यरत एक जना मजदुरको करेन्ट लागेर मृत्यु भएको थियो। जिल्लाको गोदावरी नगरपालिका वडा नम्वर ५ मा निर्माणाधिन गेटा मेडिकल कलेजमा कार्यरत कञ्चनपुरको कृष्णपुर नगरपालिका वडा नम्वर ७ बस्ने १७ बर्षीय रविन्द्र बमको करेन्ट लागेर मृत्यु भएको थियो।