प्रहरीले  लागू औषध ब्राउन सुगर सहित २ जनालाई पक्राउ गरेको छ। से ६ प ७८९ नम्बरको मोटर साईकल सहित दुई जनालाई जिल्ला धनगढी उपमहानगरपालिका–३ त्रिनगर भन्सार व्यारेलमा लागु औषध व्युरो महेन्द्रनगर र प्रहरी चौकी त्रिनगरबाट खटिएको प्रहरी टोलिले पक्राउ गरेको हो।

मोटरसाईकलमा सवार धनगढी उपमहानगर–३ का २५ बर्षीय अनुराग मल्ल र वडा नम्बर १ बस्ने २४ बर्षीय पृथ्वी खडकालाई प्रक्राउ गरेको जिल्ला प्रहरी कार्यालय कैलाली जनाएको छ। उनीहरुको साथबाट ७ ग्राम ब्राउन सुगर पनि बरामद् गरेको छ।

पक्राउ परेका द्वयलाई लागु औषध ऐन अनुसार मुद्दा दर्ता गरी कैलाली जिल्ला अदालतबाट म्यादथप गरी थप अनुसन्धान भईरहेको प्रहरीले जनाएको छ।