बाजुराको पुर्वी उत्तरी भेगको बुढीनन्दा नगरपालिकामा पर्ने बड्डीगाड खोलामा आएको बाढीले बगाउँदा एक जना महिलाको मृत्यु भएको छ ।

मृत्यु हुनेमा सोही नगरपालिका–६की ७५ वर्षीया भीमु ल्वार रहेकी छन् । मंगलबार राति घट्ट पिस्न गएका समयमा बाढीले बगाएर मृत्यु भएको जिल्ला प्रहरी कार्यालय बाजुराका प्रहरी निरिक्षक लोकेन्द्र ठगुन्नाले जानकारी दिएका छन् ।

जिल्लाको पुर्वी उत्तरी भेगको बुढीनन्दा नगरपालिकामा–१ भार्ति कौषेडीमा पर्ने बड्डीगाड खोलामा एक बेवारिसे अवस्थामा रहेको शव फेला परेको जिल्ला प्रहरी कार्यालय बाजुराका प्रहरी निरिक्षक लोकेन्द्रसिं ठगुन्नाले जानकारी दिएका छन् ।

उनले दिएको जानकारी अनुसार बाढीले बगाएर शव भेटिएको भन्दा दुई सय मिटर तल बेवारिसे अवस्थामा अर्काे शव फेला परेको प्रहरी निरिक्षक ठगुन्नाले बताए । शरिर पुरै जलेको अवस्थामा रहेको छ । शवको पहिचालन गर्न समस्या भएकोले सो क्षेत्रमा प्रहरीले खवर गरिरहेको ठगुन्नाको भनाई रहेको छ ।