अछामको बुढीगंगा नदीमा एक महिलाको शव फेला परेको छ । मेल्लेख गाउँपालिका–३ ठाटीकी २२ वर्षीया निर्मला नेपालीको शव सोमबार साँफेबगर नगरपालिका–७ मा रहेको बुढीगंगा नदीमा फेला परेको हो ।  

प्रहरीको प्रारम्भिक अनुसन्धान अनुसार उनका श्रीमानले युवतीलाई गाउँकै देवर नाता पर्ने एक युवकसँग रंगेहात फेला पारेका थिए । आफुहरुको अवैध सम्बन्धबारे थाहा पाएपछि दुवै जना सो स्थानबाट भागेको र पछि ती युवतीको शव फेला परेको जिल्ला प्रहरी कार्यालय अछामले जनाएको छ ।   

अहिले ती युुवक फरार रहेको र नेपालीको शवको जिल्ला अस्पताल मंगलसैनमा पोष्टमार्टम भइसकेको सूचना अधिकारी रमेशदत्त अवस्थीले बताए । फरार नेपालीको खोजी कार्य जारी रहेको उनले बताए ।