जिल्ला अस्पताल डोटीको प्रयोगशालामा भएको परीक्षणमा थप तीन जनामा कोरोना पुष्टि भएको छ।

पछिल्लो २४ घण्टामा एक सय ४१ जनाको कोरोना परीक्षण भएकोमा डोटी र अछाम जिल्लाका तीन जनामा संक्रमण पुष्टि भएको हो।

डोटीको पूर्वीचौकी गाउँपालिकाका एक पुरुष, आदर्श गाउँपालिका वडा नम्वर ३ का एक महिला र अछामको मेल्लेख गाउँपालिका वडा नम्वर १ का एक पुरुषमा संक्रमण पुष्टि भएको प्रयोगशालाले जनाएको छ।