डडेल्धुरा अस्पताल र डोटी जिल्ला अस्पतालमा रहेको प्रयोगशालामा कोरोना भाईरसको परीक्षण घटेको छ । पर्याप्त स्वाब नभएपछि दुबै प्रयोगशालामा परीक्षण घटेको हो । दुबै प्रयोगशालामा पछिल्लो २४ घण्टामा दुई सय २२ नमुना मात्रै परीक्षण गरिएको छ । 

डडेल्धुरा अस्पतालका प्रयोगशाला इन्चार्ज ईश्वरी प्रशाद भूषालले पछिल्लो २४ घण्टामा एक सय ३५ जनाको मात्रै कोरोना परीक्षण गरिएको जानकारी दिए । उनका अनुसार परीक्षण गरिएको सबैको रिपोर्ट नेगेटिभ आएको छ ।

यता जिल्ला अस्पताल डोटीको प्रयोगशालामा पछिल्लो २४ घण्टामा ६९ जनाको मात्रै कोरोना परीक्षण गरिएको छ । अस्पतालका प्रयोगशाला इन्चार्ज शौरभ श्रेष्ठले सबैको रिपोर्ट नेगेटिभ आएको जानकारी दिए ।