धनगढीमा कार्यरत थप पाँच जना प्रहरीमा कोरोना संक्रमण पुष्टि भएको छ। प्रदेश प्रहरी कार्यालयले दिएको जानकारी अनुसार आज भएको परीक्षणमा थप पाँच जना प्रहरीमा संक्रमण पुष्टि भएको हो।

प्रदेश प्रहरी कार्यालयका निमित्त प्रमुख प्रहरी वरिष्ठ उपरिक्षक मुकेश सिंहले सुदूरपश्चिम प्रदेश सशस्त्र प्रहरी गण मुख्यालय धनगढीमा कार्यरत चार जना र प्रदेश प्रहरीमा कार्यरत एक जना गरी पाँच जनामा संक्रमण पुष्टि भएको दिनेश खवरलाई बताए।

उनका अनुसार योसंगै सुदूरपश्चिममा संक्रमित प्रहरीको संख्या ४६ पुगेको छ। २४ जनाले कोरोना जितेका छन् भने बाँकी २२ जनाको उपचार भईरहेको प्रदेश प्रहरी कार्यालयले जनाएको छ।