धनगढी उपमहानगरपालिका कुहिएको चामल प्रकरणले राहत वितरण नहुँदा विपन्न वर्ग समस्यामा परेका छन् । अधिकांश वडामा राहत वितरण भए पनि केही वडाहरुमा वितरणको क्रममा कुहिएको चामल परेपछि राहत वितरणको काम रोकिएको हो ।

चुहिएको चामलको विषयमा उपमहानगरपालिकाले आपुर्तिकर्तालाई कालो सुचीमा राख्न सिफारिस गरेको छ भने अख्तियार दुरुपयोग अनुसन्धान आयोगले पनि छानविन गरिरहेको छ ।

खाद्यान्न आपुर्तिकर्तासँग गुणस्तरहीन खाद्यान्न आपुर्ति भएमा त्यसको सट्टा गुणस्तरयुक्त खाद्यान्न दिने सम्झौता भएपनि ठुलो मात्रामा कुहिएको चामल परेकोले त्यो सम्झौता अनुसार अगाडी नवढ्ने धनगढी उपमहानगरपालिका प्रवक्ता सन्तोष मुडभरीले खबरकुञ्जलाई बताए । उनले वैकल्पिक उपाय अपनाएर विपन्न वर्गलाई राहत वितरणको काम तत्काल सुरु गरिने बताए ।