कोरोना भाइरस संक्रमणको जोखिम बढेपछि जिल्ला प्रशासन कार्यालय बैतडीले स्थानीय तह अनुसार फरक फरक बार नेपाली नागरिकताको प्रमाणपत्र वितरण गर्न थालेको छ ।

फरक पालिका अनुसार नागरिकलाई फरक फरक बारमा सेवा दिन थालिएको सहायक प्रमुख जिल्ला अधिकारी लोकेन्द्रसिंह नेगीले बताए । आइतबार र सोमबार मेलौली नगरपालिका, शिवनाथ गाउँपालिका र पञ्चेश्वर गाउँपालिकाका नागरिकलाई नागरिकता प्रदान गरिनेछ ।

मङ्गलबार र बुधबार पाटन नगरपालिका, सिगास गाउँपालिका र सुर्नया गाउँपालिकाका नागरिकलाई नागरिकता प्रदान गरिने छ । यस्तै बिहीबार र शुक्रबार दशरथचन्द नगरपालिका, दोगडाकेदार गाउँपालिका र डिलाशैनी गाउँपालिकाका नागरिकलाई नागरिकता प्रदान गरिने जनाइएको छ ।