अछाममा कोरोना संक्रमित एकजना पुरुषको मृत्यु भएको छ । जिल्लाको बान्नीगढी जयगढ गाउँपालिका–३ बर्दादेविका ३४ वर्षीय पुरुषको शनिबार मृत्यु भएको जिल्ला अस्पतालले जनाएको छ । 

डोटी अस्पताल प्रयोगशालामा शुक्रबार भएको परीक्षणमा उनको रिर्पोट पोजिटिभ आएको स्वास्थ्य कार्यालय अछामका सुचना अधिकारी देव जोशीले जानकारी दिए । उनी भारतबाट आएर गाउँपालिकाले बनाएको आइसोलेशनमा बसेका थिए ।

श्वासप्रश्वासमा समस्या देखिएपछि उनलाई आज जिल्ला अस्पताल लगिएको थियो । जिल्लामा हालसम्म चार जनाको कोरोनाका कारण मृत्यु भएको छ । संक्रमितको संख्या १ हजार २२ रहेको स्वास्थ्य कार्यालय अछामले जनाएको छ ।