लायन्स क्लब अफ धनगढी खप्तडले कञ्चनपुरको आई केयर यू लाई भेटेनरी औषधी तथा स्वास्थ्य सामाग्री सहयोग गरेको छ । पशुहरुको उपचारका लागि करिब २० हजार मुल्य बराबरको औषधी तथा स्वास्थ्य सामाग्री आई केयर यूका अध्यक्ष मञ्जी शाहीलाई हस्तान्तरण गरिएको हो ।

लायन्स क्लब अफ धनगढी खप्तडका अध्यक्ष हरी धामीका अनुसार पशु तथा गाईहरुको उपचारका लागि करिब २० हजार मुल्य बराबरको औषधी तथा स्वास्थ्य सामाग्री हस्तान्तरण गरिएको हो । आफुले सहयोग गरेको औषधी तथा स्वास्थ्य सामाग्रीले पशुहरुको उपचारमा सहयोग पुग्ने अपेक्षा गरिएको उनले जानकारी दिए ।

उक्त स्वास्थ्य सामाग्री हस्तान्तरण कार्यक्रममा लायन्स क्लबका शिबी चन्द, जनकराज जोशी, गोविन्द अधिकारी, सम्झना अधिकारी, कृष्ण पाण्डे, भोजराज पन्त, युवराज जोशी र सुरेन्द्र भट्ट लगायतका व्यक्तिहरुको सहभागिता रहेको थियो ।