डोटीको जोरायल गाउँपालिका वडा नम्वर २ कटपत्तेमा २९ जनाको ज्यान जाने गरि भएको बस दुर्घटनाको आज ६ वर्ष पुगेको छ।

दशैँको टिका थापेर कर्मथलो फर्किर्दै गर्दा २०७१ साल असोज २० गते भएको बस दुर्घटनामा २९ जनाले ज्यान गुमाएका थिए भने ६८ जना घाईते भएका थिए। सोही दुर्घटनामा ज्यान गुमाएकाहरुको सम्झनामा आज जोरायलका युवाहरुले घटनास्थलमा दिप प्रज्वलन गरेका छन्।

२९ जना मृतकको सम्झानामा २९ दिप प्रज्वलन गरिएको जोरायलका युवा तिर्थराज भट्टले बताए। उनका अनुसार कार्यक्रममा वडा नम्वर ३ का अध्यक्ष दिनेश मल्लको समेत उपस्थिती रहेको थियो।