डडेल्धुरामा गरिएको परीक्षणमा थप १० जनालाई कोरोना भाइरसको संक्रमण पुष्टि भएको छ। डडेल्धुरा अस्पताल प्रयोगशालामा गरिएको परीक्षणमा बैतडी र डोटीका गरी १० जनामा संक्रमण पुष्टि भएको हो।

प्रयोशगालाका ल्याब टेक्नोलोजिष्ट जिनी गणेजुले बैतडीको सिगास गाउँपालिका वडा नम्बर ९ का दुई जना र डोटीको जोरायल गाउँपालिकाका ८ जनामा संक्रमण पुष्टि भएको जानकारी दिए।

उनका अनुसार प्रयोगशालामा पछिल्लो २४ घण्टामा दुई सय ३४ जनाको थ्रोट स्वाबको नमूना संकलन गरिएको थियो।