कञ्चनपुरमा वेहोस अवस्थामा भेटिएका कैलाली २ युवकको प्रहरीले उद्दार गरेको छ । पश्चिमी सीमा नाका गड्डाचौकीमा वेहोस अवस्थामा भेटिएका भजनी नगरपालिका वडा नम्बर १ का २० वर्षीय सन्तोश बुढा र १८ वर्षीय कौशल बुढाको उद्दार गरिएको प्रहरीले जनाएको छ ।

जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले गड्डाचौकीस्थित ७ नम्बर पिल्लर नजिकै वेहोस अवस्थामा भेटिएका दुवैजनाको उद्दार गरिएको जानकारी दिए । महाकाली अस्पतालमा उपचारपछि होसका आएका उनीहरुलाई आफन्तको जिम्मा लगाईएको  प्रहरी नायब उपरीक्षक थापाले बताए ।

भारतबाट फर्किएका उनीहरुले वनबासामा पसलमा जुस खाएको बताएपनि अन्य विवरण खुलेको छैन् । लुटपाट गर्ने योजना अनुसार जुस खुवाएको देखिएपनि नेपाल पुगेपछि वेहोस भएकाले उनीहरु लुटिनबाट जोगिएको प्रहरीले जनाएको छ ।