अछामको कमलबजार नगरपालिकाका मेयरलाई कोरोना संक्रमण पुष्टी भएको छ । मेयर ओमप्रकाश विष्टलाई बुधबार कोरोना संक्रमणको पुष्टी भएको हो ।  कमलबजार कोरोना प्रयोगशालाका सूचना अधिकारी टेकबहादुर विष्टका अनुसार उनको बुधबार नेपालगञ्ज बागेश्वरी डाईग्नोटिक्स परिक्षण केन्द्रमा गरिएको परिक्षणमा कोरोना पुष्टी भएको हो ।

मेयर विष्टले समेत सामाजिक सञ्जालमा कोरोना पुष्टी भएको जानकारी गराएका हुन् । उनले सम्पर्कमा आएकाहरुलाई सुरक्षित रहन र परिक्षण गर्न समेत भनेका छन् । उनले लक्षण नभएको भन्दै होम आइसोलेसनमा बसेको जानकारी गराएका छन् ।