कञ्चनपुर प्रहरीले लागु औषध मुद्दाका फरार प्रतिवादीलाई पक्राउ गरेको छ । जिल्ला प्रहरी कार्यालय र मातहतका निकायबाट खटिएको टोलीले २०७६ असोज २६ गतेदेखि फरार रहेका २ जनालाई पक्राउ गरेको हो । 

जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले लागु औषध मुद्दामा फरार रहेका कञ्चनपुरको लालझाँडी गाउँपालिका वडा नम्बर ७ का हिरेन्द्र राना र धनगढी उपमहानगरपालिका  वडा नं ७ बस्ने २१ वर्षीय एकलव्य जोशीलाई पक्राउ गरिएको जानकारी दिए । 

उनीहरुलाई आवश्यक कारवाहीका लागि जिल्ला अदालतमा पेश गरिने प्रहरीले जनाएको छ ।