कैलालीको अत्तरियामा वेवारिसे शव फेला परेको छ । गोदावरी नगरपालिका वडा नम्बर २ अत्तरिया स्थित पूर्व रोडको प्रतिक्षालयमा वेवारिसे शव भेटिएको प्रहरीले जनाएको छ । शनिबार साँझ वेवारिसे शव फेला परेको ईलाका प्रहरी कार्यालय मालाखेतीका प्रमुख प्रहरी नायब उपरीक्षक भरत चौधरीले बताए ।

अन्दाजी ६० वर्षीया बृद्धको शव भेटिए पनि उनको पहिचान खुल्न सकेको छैन् । पहाडी मूलको जस्तो देखिने ती बृद्धले माथिल्लो शरीरमा सेतो धर्के सर्ट, तल्लो शरीरमा नीलो पाइन्ट लगाएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक विष्टल बताए ।

उनको शव अहिले सेती प्रादेशिक अस्पतालमा राखिएको छ । उनलाई चिन्ने जो कोहीले परिवार वा नजिकको प्रहरी कार्यालयमा खबर गरिदिन प्रहरीले आग्रह गरेको छ ।