दार्चुलाको नौगाड गाउँपालिका वडा नम्बर ३ खार गाउँबाट १४ जना जुवाडे पक्राउ परेका छन् । जुवा खेलिरहेको अवस्थामा १४ जना स्थानीय जुवाडेबाट ६० हजार ४६५ नगद रुपैयाँ र दुई गड्डी ताससहित पक्राउ परेको जिल्ला प्रहरी कार्यालय दार्चुलाका डिएसपी पदमबहादुर विष्टले जानकारी दिए ।  

दल्लेख प्रहरी चौकीका प्रहरी नायब निरीक्षक केशबदत्त पन्तको नेतृत्वमा खटिएको टोलीले शनिबार राती करिब १० बजेर ३० मिनेटमा जुवा खेलिरहेको अवस्थामा उनीहरुलाई पक्राउ गरेको डिएसपि विष्टले जानकारी दिए । 

पक्राउ पर्नेमा नौगाड गाउँपालिका वडा नम्बर ३ का रमेशसिह ठगुन्ना, रायसिह ठगुन्ना, रामसिह ठगुन्ना, बसन्त ठगुन्ना, मनबिर ठगुन्ना, नन्तु ठगुन्ना, दानसिह धामी, मानसिह ठगुन्ना, करनसिह ठगुन्ना, जगतसिह ठगुन्ना, देबसिह ठगुन्ना, मानबहादुर ठगुन्ना, पदम सिह धामी र तेजसिह ठगुन्ना रहेका छन् ।