कैलालीको मोहन्यालमा जिप दुर्घटना हुँदा १ जनाको मृत्यु भएको छ । दुर्घटनामा १४ जना घाइते भएका छन् । ती मध्ये १ जनाको अवस्था गम्भिर रहेको प्रहरीले जनाएको छ । 

१६ जना यात्रु बोकेर कैलालीको घोडाघोडी स्थित डोके बजारबाट पण्डौन तर्फ जाँदै गरेको सुप प्र ०१००१ च २६२३ नम्बरको जिप आइतबार महोन्याल गाउँपालिका वडा नम्बर ४ को बास पानीमा दुर्घटनामा परेको हो ।

दुर्घटनामा परि मोहन्याल गाउँपालिका २ का ६० बर्षिय कविराज भण्डारीको मृत्यु भएको हो । दुर्घटनामा गम्भिर घाइते रहेका घोडाघोडी ८ का ६० बर्षिय खडक रावललाई थप उपचारको लागि कोहलपुर रेफर गरिएको छ । 

अन्य स्थानीय घोडाघोडी अस्पतालमा उपचार भइरहेको जिल्ला प्रहरी कार्यालय कैलालीका प्रवक्ता प्रहरी  नायव उपरीक्षक प्रतिक बिष्टले जानकारी दिए ।

ब्रेक फेल भएर जिप रोडमा करिब २ सय मिटर तल खसेको प्रहरीले बताएको छ ।