कञ्चनपुर जिल्लाको पुनर्वास नगरपालिका सँग जोडिएको भारतको दुधुवा राष्ट्रिय निकुञ्जको जँगलमा नेपाली महिलाको शव फेला परेको छ । बेवारिसे अवस्थामा शव फेला परेको र मृतकका साथबाट नरूदेबी कठायत नामको नागरिकता फेला परेको ईलाका प्रहरी कार्यालय त्रिभुवनबस्तीका प्रहरी निरिक्षक कैलाश सिँह बिष्टले बताए ।

फेला परेको नागरिकता अनुसारको ठेगाना र नामको कुनै व्यक्ती फेला नपरेको पुनर्वास नगरपालिका वार्ड नम्बर ८ का वडाध्यक्ष श्रवन रानाले बताए । शवसँगै फेला परेको नागरिकता अनुसार मृतकको उमेर ५५ बर्ष रहेको र श्रीमानको नाम राजेन्द्र कठायत उल्लेख रहेको प्रहरीले जनाएको छ ।