कञ्चनपुरका उखु किसानले अनुदानको रकम पाएका छन् । जिल्लाका २ चिनी मिलमा उखु विक्री गरेका ५ हजार ७ सय १४ जना किसानले अनुदानको रकम पाएका हुन् । उनीहरुले २४ करोड ५०  लाख ९१ हजार अनुदानको रकम पाएको कोष तथा लेखा नियन्त्रकको कार्यालय कञ्चनपुरले जनाएको छ ।

महाकाली चिनी मिलमा उखु विक्री गरेका ३ हजार ३ सय ९३ किसानले १३ करोड २५ लाख ६५ हजार ४ सय ८४ र भागेश्वर चिनी मिलमा उखु विक्री गरेका २ हजार ३ सय २१ किसानले ११ करोड ३२ लाख २५ हजार ५ सय १५ रुपैया अनुदानको पाएको कोष नियन्त्रक षडानन्द अधिकारीले जानकारी दिए । 

उनीहहरुलाई २०७६÷०७७ को अनुदानको रकम वितरण गरिएको हो । सरकारले किसानलाई प्रति क्वीन्टल ६५ रुपैयाँ २८ पैसा सरकारले अनुदान दिदै आएको छ ।