बैतडीमा रहेको एउटा प्रहरी चौकीका सबै ९ जना प्रहरीमा कोरोना पुष्टि भएको छ। शुक्रबार डडेल्धुरा अस्पतालको प्रयोगशालामा गरिएको परीक्षणमा डिलाशैनी गाउँपालिका ३ स्थित सिमार प्रहरीचौकीमा कार्यरत ९ जना प्रहरीमा कोरोना पुष्टि भएको हो।

प्रहरी कार्यालयका प्रमुख, डीएसपी नारायणप्रसाद अधिकारीका अनुसार चौकीमा कार्यरत सईसहित ९ जनामै कोरोना पुष्टि भएको हो।  प्रहरीचौकीमा कार्यरत सबै प्रहरीमा कोरोना देखिएपछि चौकीलाई नै आइसोलेसनको रुपमा प्रयोग गरिएको उनले बताए। कोरोना पुष्टि भएका प्रहरीहरुको स्वास्थ्य अवस्था भने समान्य रहेको जनाइएको छ।