सुदूरपश्चिमका थप ३५ जनामा कोरोना भाइरसको संक्रमण पुष्टि भएको छ। सेती प्रादेशिक अस्पताल प्रयोगशालामा आइतबार १६७ जनाको परीक्षण गर्दा थप ३५ जनामा संक्रमण पुष्टि भएको हो।

कैलालीको धनगढी उपमहानगरपालिकाका ७ जनामा संक्रमण देखिएको अस्पतालका सूचना अधिकारी दिलिपकुमार श्रेष्ठलेजानकारी दिए ।कैलालीकै मोहन्याल गाउँपालिकाका ४ जना, गोदावरी नगरपालिका र जानकी गाउँपालिकाका ३/३ जना, टीकापुर नगरपालिका र कैलालीकै ठेगाना नखुलेका १/१ जनामा कोराना पुष्टि भएको छ।

कञ्चनपुरको बेदकोट नगरपालिका र भीमदत्त नगरपालिकाका ४/४ जना, बेलौरी नगरपालिकाका ३ जना, पुनर्वास नगरपालिकाका १ जना, बझाङका २ जना, त्यस्तै दार्चुला र अछामका १/१ जनामा पनि संक्रमण पुष्टि भएको सूचना अधिकारी श्रेष्ठले जानकारी दिए।