कैलालीका ३४ सहित सुदूरपश्चिमका थप ४२ जनामा कोरोना भाइरसको संक्रमण पुष्टि भएको छ। सेती प्रादेशिक अस्पताल प्रयोगशालामा बुधबार ११० जनाको परीक्षण गर्दा थप ४२ जनामा संक्रमण पुष्टि भएको हो।

अस्पतालका सूचना अधिकारी दिलिपकुमार श्रेष्ठले कैलालीको धनगढी उपमहानगरपालिकाका २४ जनामा संक्रमण देखिएको जानकारी दिए।  उपमहानगरपालिकाको वडा नम्बर १ का १० जना, वडा नम्बर ४ र ५ का ३/३ जना, यस्तै वडा नम्बर २ र १२ का २/२ जना, त्यस्तै वडा नम्बर ८, १५, १६ र वडा नखुलेका १/१ जनामा संक्रमण देखिएको उनले बताए। 

कैलालीकै गोदावरी नगरपालिकाका ८ जना, गोरीगंगा नगरपालिका र ठेगाना नखुलेका १/१ जनामा समेत कोराना पुष्टि भएको छ। कञ्चनपुरको भीमदत्त नगरपालिका, महाकाली नगरपालिका र पुनर्वास नगरपालिकाका २/२ जना, बेलौरी नगरपालिकाका १ जना र बाजुराको बुढीगंगा नगरपालिकाका १ जनामा पनि संक्रमण पुष्टि भएको सूचना अधिकारी श्रेष्ठले जानकारी दिए।