सुदूरपश्चिम प्रदेशका थप ८८ जनामा कोरोना संक्रमण पुष्टि भएको छ । प्रदेशका ५ वटा प्रयोगशालामा गरीएको परीक्षणमा ८८ जनामा संक्रमण पुष्टि भएको हो ।  सेती प्रादेशिक अस्पताल प्रयोगशालामा थप २७ जनामा कोरोना  संक्रमण पुष्टि भएको छ। पछिल्लो २४ घण्टामा  ३ सय ३२ जनाको परीक्षण गर्दा थप २७  जनामा संक्रमण पुष्टि भएको हो।

संक्रमण पुष्टी हुनेमा ११ महिला १६ पुरुष रहेको अस्पतालका सूचना अधिकारी दिलिपकुमार श्रेष्ठले जानकारी दिए ।  संक्रमण पुष्टी हुनेमा धनगढी उपमहानगरपालिकाका ११ जना, कैलारी गाउपालिकाका ४ जना, गोदावरी नगरपालिकाका २ जना र टीकापुर नगरपालिका, जोशिपुर गाउपालिका र भजनी नगरपालिकाका १/१ जनामा कोरोना पुष्टि भएको छ ।  त्यस्तै कञ्चनपुरको पुनर्वास नगरपालिका, भिमदत्त नगरपालिकाका २/२ जना र कुष्णपुर नगरपालिकाका १ जनामा कोरोना पुष्टि भएको छ ।

उता डोटीको जोरायल गाउपालिका र बझाङको शुर्माका १/१ जनामा पनि कोरोना पुष्टि भएको  सूचना अधिकारी श्रेष्ठले जानकारी दिए ।
अछामको कमल बजारको प्रयोगशालामा थप ३७ जना, डडेल्धुरा अस्पतालको प्रयोगशालामा  ९ जनामा संक्रमण पुष्टी भएको सामाजिक मन्त्रालयले जनाएको छ । उता बझाङमा गरिएको परिक्षणमा आज थप १० जनामा कोरोना संक्रमण पुष्टी भएको छ । ५६ जनाको परिक्षण गर्दा थप १० जनामा कोरोना संक्रमण पुष्टी भएको जिल्ला अस्पताल बझाङका प्रयोगशाला ईन्चार्ज नरेश खड्काले जानकारी दिए ।

संक्रमण पुष्टी हुनेमा बझाङको दुर्गाथली गाउँपालीका ८ जना, मष्टा गाउँपालीका र  खप्तड गाउँपालीका एक/एक जनामा संक्रमण पुष्टी भएको अस्पतालले जनाएको छ । त्यस्तै डोटीमा गरिएको परिक्षणमा थप ५ जनामा कोरोना संक्रमण पुष्टी भएको छ । पछिल्लो २४ घण्टामा १५ नमुना परिक्षण गर्दा ५ जनामा कोरोना संक्रमण पुष्टी भएको हो ।

संक्रमण पुष्टी हुनेमा डोटीको दिपायल सिलगढी नगरपालिकाका ३ जना,  जोरायलका गाउँपालिकाका १ जना, महोत्तरी घर भई डोटीमा बस्दै आउनु भएका १ जनमा पनि संक्रमण पुष्टी भएको अस्पतालले जनाएको छ । संक्रमण पुष्टि भएका ९ हजार ६ सय ३२ डिस्चार्ज भएका छन भने हालसम्म ४१ जना संक्रमितको मृत्यु भएको छ ।