डोटीको बोगटान फुड्सिल गाउँपालिका-७ चवराचौतारामा जिप दुर्घटनामा ज्यान गुमाउने तीनैजनाको पहिचान खुलेको छ । दुर्घटनामा बोगटान फुड्सिल गाउँपालिका-७ की २८ बर्षिया वडा सचीव मञ्जु त्रिपाठी र उनकी सासू आमा र ग्रामीण जलस्रोत व्यवस्थापन परियोजनामा कार्यरत केआईसिंह गाउँपालिका-४ का हरि भट्टको मृत्यु भएको जिल्ला प्रहरी कार्यालय डोटीले जनाएको छ ।

यस्तै घाइते हुनेमा ग्लोबल आईएमई बैँकमा कार्यरत सुरक्षा गार्ड टिकाराम गिरी, उनकी श्रीमती खेमा गिरी, खत्याडी माध्यामिक विद्यालयका शिक्षक हेमन्त भट्ट, चालक कैलाश बम, मृतक मञ्जु त्रिपाठीका तिन वर्षीय छोरा रहेका छन् ।  दिपायलबाट चवराचौताराका लागी हिडेको म १ च ५५० नम्बरको जिप भिरबाट करिब दुई सय मिटर तल खसेको थियो । घाइतेहरूलाई उपचारको लागी दिपायल पठाइएको र घटनास्थलमा उद्धारमा खटिएको गाउँपालिकाका अध्यक्ष कमलबहादुर गड्सिलाले जानकारी दिए ।