सुदूरपश्चिम प्रदेशमा सक्रिय संक्रमितको २ हजार ५४ जना पुगेको छ । आइतबार थप ९२ जनामा कोरोना संक्रमण पुष्टि भएको छ ।  प्रदेशका ५ वटा प्रयोगशालामा गरीएको परीक्षणमा ९२ जनामा संक्रमण पुष्टि भएको हो । सेती प्रादेशिक अस्पताल प्रयोगशालामा आइतबार २ सय ३४ जनाको परीक्षण गर्दा थप ४८ जनामा संक्रमण पुष्टि भएको हो ।

अस्पतालका सूचना अधिकारी दिलिपकुमार श्रेष्ठले कैलालीको घोडाघोडी नगरपालिकाका १० जना, कैलारी गाउँपालिकाका ७ जना, मोहन्याल गाउँपालिका, टीकापुर नगरपालिका र गोदावरी नगरपालिकाका २÷२ जनामा संक्रमण देखिएको जानकारी दिए । यस्तै कञ्चनपुरको भीमदत्त नगरपालिकाका २० जना, कृष्णपुर नगरपालिका र बेलौरी नगरपालिकाका २/२ जनामा समेत कोराना पुष्टि भएको छ ।

त्यसैगरी बैतडीको दोगडाकेदार गाउँपालिकाका १ जनामा पनि संक्रमण पुष्टि भएको सूचना अधिकारी श्रेष्ठले जानकारी बताए । बझाङमा गरिएको परिक्षणमा थप ९ जनामा कोरोना संक्रमण पुष्टी भएको छ । पछिल्लो २४ घण्टामा २६ जनाको परिक्षण गर्दा थप ९ जनामा कोरोना संक्रमण पुष्टी भएको जिल्ला अस्पताल बझाङका प्रयोगशाला ईन्चार्ज नरेश खड्काले जानकारी दिए ।

अछामको कमल बजार अस्पतालको प्रयोगशालामा थप २६ जना, बैतडी अस्पतालको प्रयोगशालामा ६ जना र डोटीको प्रयोगशालामा २ जनामा पनि संक्रमण पुष्टी भएको सामाजीक बिकास मन्त्रालयले जनाएको छ ।  यो योसंगै सुदूरपश्चिममा कोरोना संक्रमितको संख्या ११ हजार ७ सय २८ पुगेको छ । संक्रमण पुष्टि भएका ९ हजार ६ सय ३३ डिस्चार्ज भएका छन भने हालसम्म ४२ जना संक्रमितको मृत्यु भएको छ ।