बाजुरामा क्वारेन्टाईबाट भागेका युवकलाई स्थानीयले गाउँ प्रवेशमा रोक लगाएका छन । जिल्लाको खप्तड छेडेदह गाँउपालिका वडा नम्बर २ को मालिका माविको क्वारेन्टाईनबाट भागेका २५ वर्षीय युवकमाथि स्थानीय ढुङ्गामुढा प्रहार गरी गाउँ पस्न नदिएको प्रहरीले जनाएको छ ।

जिल्ला प्रहरी कार्यालयका प्रमुख प्रहरी नायव उपरिक्षक टंकप्रसाद भट्टराईले ती युवकलाई स्थानीयले ढुङ्गामुढा प्रहार गरी गाउँ प्रवेश गर्न नदिएको बताए । उनी बुधवार भारतबाट आएर क्वारेनटाइनमा बसेका थिए । क्वारेन्टाईबाट भागेर गाउँ फर्किएका उनलाई प्रवेश गर्न नदिईएपछि फेरी क्वारेन्टाईनमै फर्काईएको छ ।  

गाँउलेको ढुङगामुढा प्रहारबाट उनको टाँउकोमा चोट लागेको छ । जयबोश्वरी स्वास्थ्य चौकीमा उपचारपछि उनलाई क्वारेन्टाईन फर्काईएको हो ।