कैलालीमा मोटरसाइकल दुर्घटना हुँदा २ जना घाइते भएका छन।  पूर्वपश्चिम राजमार्ग अन्तरगत लम्कीचुहा नगरपालिकाको डुडेझारी नजिकै सडकखण्डमा से४प ७८४३ नम्बरको मोटरसाइकल दुर्घटना हुँदा चालकसहितका २ जना घाइते भएको प्रहरीले जनाएको छ।

घाइते हुनेमा चालक जानकी गाउँपालिका–९ का ४३ वर्षीय मीनबहादुर भुल र पछाडी सवार सोही ठाउँ बस्ने ३२ वर्षीय गोविन्द भुल रहेको प्रदेश ट्राफिक प्रहरी कार्यालयले बताएको छ।  घाइते दुवै जनालाई लालरत्न अस्पतालमा सामान्य उपचारपछि कोहलपुर रेफर गरिएको छ। उनीहरुको अवस्था मध्यम रहेको छ।