नेकपा अध्यक्ष पुष्पकमल दाहाल (प्रचण्ड) र माधव नेपाल पक्षका नेता तथा कार्यकर्ताले नेकपाको पार्टी कार्यालय कैलालीमा ताला लगाएका छन् । धनगढीस्थित नेकपाको कार्यालयमा तालाबन्दी गरिएको हो ।

प्रधानमन्त्री केपी ओलीनिकट मानिने पार्टी अध्यक्ष रतन थापा समूहले कार्यालयमा लगाएको पुरानो तालामाथि प्रचण्ड–नेपाल समूहले अर्को ताला लगाएका हुन् । प्रधानमन्त्री ओलीले प्रतिनिधिसभा विघटन गरेको विरोधमा विद्यार्थी नेता र कार्यकर्ताले पार्टी कार्यालयमा ताला लगाएका हुन् ।