कैलालीको अत्तरियावाट बेपत्ता भएका ४ बालक मध्ये २ बालक फेला परेका छन् भने २ को अबस्था अझै अज्ञात नै रहेको छ । स्कुल जान्छु भनि आइतबार घरबाट हिडेका गोदावरी नगरपालिकाका २ बालक कञ्चपुरमा फेला परेका हुन् ।

फेला पर्नेहरुमा दिपक साउँद र प्रकास साउँद रहेको प्रहरीले जनाएको छ । उनीहरुलाई मंगलबार महेन्द्रनगर बसपार्कमा फेला पारी परिवारको जिम्मा लगाएको जिल्ला प्रहरी कार्यालय कैलालीले जनाएको छ ।

यस्तै उनीहरुसँगै वेपत्ता भएका सोही ठाउँका पुष्कर भट्ट र दिपक बोहरा भने अझै अज्ञात नै रहेका छन् । उनीहहरुको खोजी भइरहेको छ ।