कञ्चनपुरमा आगोमा जलेर एक महिलाको मृत्यु भएको छ। जिल्लाको पुनर्वास नगरपालिकाको टाउन बजारकी ४३ वर्षीया गीता देवी थापा आगो ताप्ने क्रममा जलेर बिहीबार बिहान घाइते भएकी थिइन ।

घाइते भएकी उनको सेती प्रादेशिक अस्पताल ल्याउँदै गर्दा ज्यान गएको जिल्ला प्रहरी कार्यालय कञ्चनपुरले जनाएको छ । कार्यालयका प्रहरी नायव उपरीक्षक अमरबहादुर थापा क्षेत्रीले घरमा एक्लै आगो तापीरहेकी उनी बेहोश भइ लडेकाले आगोले पोलेको जानकारी दिए ।