सेती प्रादेशिक अस्पतालको प्रयोगशालामा गरिएको परीक्षणमा आज ५० जनामा कोरोना पुष्टि भएको छ । 
पछिल्लो २४ घण्टामा २८१ नमूना परीक्षण गर्दा ८ महिला र ४२ पुरुष गरी ५० जनामा कोरोना संक्रमण पुष्टि भएको हो । 
अस्पतालका सूचना अधिकारी दिलिपकुमार श्रेष्ठका अनुसार सबै भन्दा धेरै धनगढी उपमहानगरपालिकामा २७ जना रहेका छन् । 
कैलालीको गोदावरीका ७ जना, गौरीगंगा नगरपालिकामा र टिकापुरका ३/३ जना,कैलालीको स्थानीय तह नखुलेका एक जनामा संक्रमण पुष्टि भएको छ ।

 यस्तै, कञ्चनपुरको भीमदत्तका तीन जना, पुर्नपवास र कृष्णपुरका एक/एक जना, दोधारा चाँदनी नगरपालिकाका ४ जनामा कोरोना संक्रमण पुष्टि भएको अस्पतालले जनाएको छ ।