कञ्चनपुरमा ट्रयाक्टरबाट खसेर एक युवकको मृत्यु भएको छ ।  बेलौरी नगरपालिका वडा नम्बर–४ शान्तिपुरमा ट्रयाक्टरबाट खसेर एक युवकको मृत्यु भएको हो । बेलौरी नगरपालिकाको वडा नम्बर १० का २५ वर्षीय बहादुर रानाको ट्रयाक्टरबाट खसेर मृत्यु भएको प्रहरीले जनाएको छ । 

बेलौरी–कलुवापुर सडकखण्डमा सु प प्र ०१–००२ त ४१७३ नम्बरको ट्रयाक्टरबाट खसेका रानाको धनगढीको निसर्ग अस्पतालमा उपचारको क्रममा मृत्यु भएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक अमर बहादुर थापाले बताए ।

चालक बेलौरी नगरपालिका –१० भूडाकै २३ वर्षीय महेश रानालाई नियन्त्रणमा लिइएको प्रवक्ता थापाले बताए ।