कञ्चनपुरको शुक्लाफाँटा नगरपालिका कार्यालयले एक हप्तासम्मका लागि अत्यावश्यक बाहेकका सेवा बन्द गरेको छ । कार्यालयमा कार्यरत केही कर्मचारीहरुमा कोरोनन संक्रमण पुष्टि भएकोले आइतबारदेखि एक हप्तासम्मका लागि सेवा बन्द गरिएको हो ।

यस अवधिमा टेण्डर सम्बन्धी कार्य, प्रकाशित विज्ञापन बमोजिम उम्मेदवारको दरखास्त बुझ्ने कार्य, स्वास्थ्य, फोहोरमैला व्यवस्थापन, एम्बुलेन्स र दमकल सेवा भने सुचारू नै रहने शुक्लाफाँटा नगरपालिका कार्यालयले जनाएको छ ।