दार्चुलाको उच्च पहाडी र हिमाली क्षेत्रमा हिमपात भएको छ । आइतबार बिहानदेखि भइरहेको वर्षा र हिमपातका कारण सो क्षेत्रको जनजीवन प्रभावित बनेको छ । दार्चुलाको व्यास, अपिहिमाल, नौगाड, दुहुँ र मार्मा गाउँपालिकाको उच्च भूभागमा हिमपात भएको हो ।

हिमपातका कारण चिसो बढेपछि स्थानीयले बाहिर निस्कन र दैनिक काम समेत गर्न नसकेको व्यासका स्थानीय योगेश बोहराले बताए । हिमपातपछि चिसो ह्वात्तै बढेकोले हिमाली क्षेत्रका विद्यालयमा पढाइ प्रभावित बनेको छ । यो वर्ष हिमाली क्षेत्रमा दोस्रो पटक हिमपात भएको हो ।