कञ्चनपुरको सीमा क्षेत्रमा गाेली चलेकाे छ । गोली लागेर एक जना घाइते भएका छन् । जिल्लाको महाकाली नगरपालिका वडा नम्बर १ का नरेन्द्र लुहार गोली लागेर घाइते भएको जिल्ला प्रहरी कार्यालय कंचनपुरका प्रहरी प्रवत्ता अमर बहादुर थापाले बताए ।

सीमा क्षेत्रमा गाेली चलेकाे खबर प्राप्त भएपछि प्रहरी टाेली परिचालन गरिएकाे उनले बताए। भारतीय एसएसबी वा वन रक्षकले गाेली चलाएको हुन सक्ने प्रहरीले जनाएको छ ।