कैलालीको गोदावरी नगरपालिका– ३ को चौकिडाडाँमा जीपले मोटरसाईकल र साईकललाई ठक्कर दिदाँ चार जना घाईते भएका छन ।  

अत्तरियाबाट महेन्द्रनगर तर्फ गईरहेको सुपप्र ०१ ००९ प १७६० नम्बरको मोटरसाईकल र सोही दिशाबाट गईरहेको साईकललाई विपरित दिशाबाट आईरहेको बा १० च ६०६४ नम्बरको कारले ठक्कर दिदाँ चार जना घाईते भएका हुन ।

घाईते चारै जनालाई पदमा अस्पतालमा ल्याईएको छ । घाईते मध्ये एक जनाको अवस्था गम्भीर रहेको पदमा अस्पतालले जनाएको छ । घाईतेहरुको परिचय भने खुल्न सकेको छैन । जीपले टिप्परलाई ओभरटेक गर्न खोज्दा दुर्घटना भएको स्थानीय लेखकराज जोशीले बताए ।

जीप चालक भिमदत्त नगरपालिका १८ का थानेश्वर तिवारी सहित जीप र टिप्परलाई नियन्त्रणमा लिईएको घटनास्थलमा खटिएका एक प्रहरीले जानकारी दिए ।