डोटीको जोरायल गाउँपालिका–२ गरुडीमा मोटरसाइकल दुर्घटना हुँदा एक जनाको मृत्यु भएको छ भने एक जना घाईते भएका छन् । भीमदत्त राजमार्ग अन्तरगतको सडक खण्डमा भएको दुर्घटनामा परी डडेल्धुराबाट धनगढीतर्फ आइरहेको सुपप्र ००२००३ प ४९०२ नम्बरको मोटरसाइकलमा सवार डडेल्धुराको अमरगढी नगरपालिका–४ का ३० वर्षीय प्रदिप घिमिरेको मृत्यु भएको प्रहरीले जनाएको छ ।

मोटरसाइकललाई धनगढीबाट डडेल्धुरातर्फ गइरहेको से १ ख १२४४ नम्बरको मिनि ट्रकले ठक्कर दिँदा दुर्घटना भएको प्रहरीले जनाएको छ । मिनी ट्रक र चालकलाई नियन्त्रणमा लिईएको ट्राफिक पोष्ट बुडरले जनाएको छ ।

सोही मोटरसाइकलका चालक अमरगढी–४ कै ३० वर्षीय नरेन्द्र घिमिरे भने घाइते भएको ट्राफिक पोष्ट बुडरका प्रहरी सहायक निरीक्षक राजेन्द्र विष्टले बताए । घाइते नरेन्द्रलाई उपचारका लागि धनगढी ल्याईएको  उनले बताए ।