डडेल्धुरामा क्वारेन्टाइनमा मृत्यु भएका बालकको कोरोना रिर्पोट नेगेटिभ आएको छ । धनगढी स्थित सेती प्रादेशिक अस्पतालको प्रयोगशालामा परीक्षणका क्रममा भारतबाट फर्किएर क्वारेन्टाईनमा बसेका उनको रिर्पोट नेगेटिभ आएको हो । मृतक बालकको थ्रोट स्वाबको नमूना परिक्षण गर्दा रिर्पोट नेगेटिभ आएको अस्पतालका सूचना अधिकारी दिलिपकुमार श्रेष्ठले जानकारी दिए । 

आमाबुवासँगै भारतबाट फर्किएर डडेल्धुरा बहुमुखी क्याम्पसको क्वारेन्टाईनमा राखिएका नवदुर्गा गाउँपालिका वडा नम्बर ३ का ७ वर्षीय बालकको शनिबार राती मृत्यु भएको थियो ।

बालकको कोरोना रिर्पोट नेगेटिभ आएपछि शव परिवारलाई बुझाईएको डडेल्धुरा अस्पतालका मेडिकल सुपरीटेन्डेन्ट डाक्टर जगदिशचन्द्र विष्टले बताए ।