धनगढीमा नेकपा (दाहाल–नेपाल समूह) ले आज विरोध सभाको आयोजना गरेको छ । प्रतिनिधि सभा विघटनको विरोधमा सभाको आयोजना गरिएको हो । सभालाई सम्बोधन गर्न नेकपा (दाहाल–नेपाल समूह) का अध्यक्ष पुष्पकमल दाहाल ‘प्रचण्ड’ र माधवकुमार नेपाल धनगढी पुगेका छन् ।

धनगढीको चौराह र क्याम्पसरोडबाट नाराबाजीसहित जुलुस निकालिएको छ । जुलुसमा सहभागी कार्यकर्ताले प्रधानमन्त्रीविरूद्धमा नाराबाजी गरिरहेका छन् । प्रचण्ड र नेपालले केहीबेरमा सभालाई सम्बोधन गर्नेछन् ।