नेकपा प्रचण्ड–माधव समूहले भोलि आम हड्तालको घोषणा गरेको छ । सुदूरपश्चिममा पनि आम हड्ताल अन्तरगत बजार, शैक्षिक सस्था, यातायात, उद्योग, कलकारखाना, कार्यालय सबै बन्द रहने सो समूहले जनाएको छ ।

नेकपा कैलालीका अध्यक्ष तथा प्रदेशसभा सदस्य दीर्घ सोडारीले भोलिको आमहड्ताल देशव्यापी भएको बताउँदै सुदूरपश्चिममा पनि सबै बन्द रहने बताए ।

संवैधानिक निकायहरुमा जबरजस्ती नियुक्ति गरिएको भन्दै प्रचण्ड–माधव समूहले पूर्वनिर्धारित आन्दोलनको कार्यक्रम परिमार्जित गर्ने गर्दै बिहिबारका लागि आम हड्ताल गर्ने निर्णय गरेको हो ।

यसबाहेक थप संघर्षका कार्यक्रम घोषणा गर्ने तयारी भइरहेको छ । ओली नेतृत्वको नेकपाले शुक्रबार बृहत जनसभा गर्ने अघिल्लो दिन प्रचण्ड–नेपाल समूहले आम हड्तालको घोषणा गरेको हो ।
 

Edit Ad