धनगढीमा प्रख्यात सानदार मः मः को स्वाद आईतबारदेखि चाख्न पाईने भएको छ । काठमाण्डौंका ९ वटा स्थानहरुमा सञ्चालित सानदार मःमः को फ्रेन्चाईजको रुपमा धनगढीमा ल्याईएको शाखा मार्फत माघ २५ गते आईतबारदेखि स्वाद चाख्न पाईने भएको हो ।
धनगढी चौराहमा रहेको ग्लोबल आईएमई बैंक छेउमा सानदार मःमःको शाखा खोलिएको छ । धनगढीमा पिस ग्रुपले भित्र्याएको सानदार मःमः को स्वाद सुदूरपश्चिमका मःमः पारखीहरुलाई आईतबारदेखि चखाउने सञ्चालक राजन भट्टले जानकारी दिए ।
झण्डै ७० लाखको लगानीमा सानदार मः मः को फ्रेन्चाईज ल्याईएको हो । सानदार मः मः को बफ मः मः सबैभन्दा बढी मन पराईएको र लोकप्रिय रहेको छ । धनगढीमा त्यसका साथै सवै वर्ग र समुदायलाई मः मः को नयाँ स्वाद दिनका लागि चिकन, पनिर र भेज मः मः को सुविधालाई थप गरिएको छ ।
धनगढीका राजन भट्ट सहितका युवाहरुको लगानीमा सानदार मः मः सञ्चालनमा ल्याएका हुन् । मः मः बनाउने कुक तथा आवश्यक सबै सामाग्रीहरु सानदार मः मः रहेको काठमाण्डौंबाट नै ल्याइएको छ ।
धनगढी र आसपासका मः मः पारखीहरुलाई नयाँ र स्वादिष्ट मः मः को स्वाद लिन पाउने सञ्चालकहरुले आशा गरेका छन् ।
सम्बन्धित वर्गका समाचारहरू
