कैलालीको गोदाबरी नगरपालिका ५ का १३ बर्षीया एक किशोरी मानसिकरुपले अलि सुस्त छिन् । महिनावारी हुन थालेको धेरै समयपनि भएको थिएन् । उमेरले उनी १३ वर्षको मात्रै भएपनि ज्यान ठूलो देखियो । छोरीको महिनावारी रोकिएपछि आमाले चेकजाँचको नजिकैको स्वास्थ्य चौकी देखाउँदा पेटमा तीन महिनाको बच्चा देखियो ।

पेटमा तीन महिनाको बच्चा रहेको थाहा भएपछि उनीमाथि बलात्कार भएको खुलेको छ । उनको मामा घरतिरका हजुरबुवाले आफ्नो घर बोलाएर अश्लिल भिडियो देखाउदै बलात्कार गरेको आरोप लागेको छ । ५० वर्षका विशराम भनिने कालुराम चौधरी बलात्कार गरेको आरोप लागेको हो । बालिका करणी गरेका चौधरीलाई जिल्ला प्रहरी कार्यालय कैलाली पीडित परिवारको उजुरी पश्चात माघ ९ गते पक्राउ गरिसकेको छ ।