सुदूरपश्चिम पश्चिम प्रदेशका आन्तरिक मामिला तथा कानूनमन्त्री प्रकाशबहादुर शाहले संविधानमा व्यवस्था भएबमोजिम प्रदेशले अधिकार नपाएको गुनासो गरेका छन् ।

प्रदेश सभाको बैठकमा आज विशेष समय लिएर बोल्दै उनले प्रशासन र प्रहरी प्रदेश मातहतमा नआउँदा प्रदेश सरकारलाई शान्ति, सुरक्षा कायम गर्न समस्या भइरहेको बताए ।

‘प्रदेश सरकारले न अनुसन्धान टोली गठन गर्न सक्छ न त प्रहरीलाई आदेश दिन सक्छ’, उनले भने ।

‘समस्या यहाँ हुने तर, त्यसको कमाण्ड गर्ने कार्य केन्द्रबाट हुँदा समस्या भइरहेको छ ।’

उनले भागरथी भट्टको हत्या घटनाको अनुसन्धानमा प्रदेश सरकारले अनुसन्धानमा खटेको प्रहरीको अनुसन्धान टोलीलाई पूर्ण सहयोग गरेको बताए ।

Edit Ad