धनगढीबाट कञ्चनपुरतर्फ गइरहेको मोटरसाइकल दुर्घटना हुँदा एक जनाको मृत्यु भएको छ।  बिहीबार दिउँसो धनगढीबाट कञ्चनपुरको बेलौरीतर्फ गइरहेको ना ४४ प ९७०४ नम्बरको मोटसाइकल दुर्घटना हुँदा चालक बेलौरी नगरपालिका–८ कलकत्ताका २३ वर्षीया गोबिन्द चौधरीको मृत्यु भएको हो।

उनको उपचारका क्रमामा सेती प्रादेशिक अस्पतालमा मृत्यु भएको जिल्ला प्रहरी कार्यालय कञ्चनपुरले जनाएको छ।   हुलाकी सडकखण्डबाट बेलौरीतर्फ गइरहेको उक्त मोटरसाइकल बिजुलीको पोलमा ठोक्किँदा अर्का एक जना घाइते भएका छन्।

घाइते हुनेमा सोही मोटरसाइकलमा सवार कलकत्ताकै २३ वर्षीय हिक्मत चौधरी रहेकोे जिल्ला प्रहरी कार्यालय कञ्चनपुरका प्रहरी नायव उपरीक्षक अमरबहादुर थापा क्षेत्रीले बताए।   घाइते हिक्मतको उपचार सेती अस्पतालमै भइरहेको प्रहरीले जानकारी दिएको छ।