कैलालीको गोदावरी नगरपालिका–५ गेटीका ३६ वर्षीय शिवचरण राना मृत अवस्थामा फेला परेका छन् । शनिबार विहान गेटा आँखा अस्पताल नजिक उनको शव फेला परेको हो । घटनास्थललाई सिल गरेर प्रहरीले अनुसन्धान थालेको छ ।

रानाको हत्या भएको हुन सक्ने आशंका गरिएको छ । यसैबीच मृत भेटिएको घटनाको अनुसन्धानका लागि तालिम प्राप्त कुकुर सहित प्रहरी टोली खटाइएको छ ।

जिल्ला प्रहरी कार्यालय कैलालीका प्रमुख प्रहरी उपरीक्षक अनुप समसेर जवरा, ईलाका प्रहरी कार्यालय मालाखेतीका प्रमुख प्रहरी नायब उपरीक्षक प्रेमबहादुर शाहीको नेतृत्वमा घटनाको अनुसन्धानका लागि प्रहरी टोली खटिएको हो । 

धनगढीबाट अनुसन्धानका लागि तालिम प्राप्त कुकुर समेत घटनास्थलमा लगिएको जिल्ला प्रहरी कार्यालय कैलालीले छ । गेटा मेडिकल नजिकै निर्माणाधिन नालामा गोदावरी नगरपालिका–५ का ३६ वर्षीय शिवचरण रानाको शव फेला परेको थियो । 

आँखा अस्पताल नजिकै पसल सञ्चालन गर्दै आएका रानाको टाउकोमा धारिलो हतियार प्रहार गरेको देखिएकाले हत्या गरिएको हुनसक्ने आशंका गरिएको छ ।