कञ्चनपुरमा बसको ठक्करबाट दुई जनाको मृत्यु  भएको छ । जिल्लाको शुक्लाफाटा नगरपालिका–११वनहरा जङ्गलमा धनगढीवाट महेन्द्रनगरतर्फ आउदै गरेको ना४ख १७६४ नं को बसले विपरीत दिशामा रहेको म ३ प १४८० नं को मोटरसाइकललाई ठक्कर दिँदा मोटरसाइकलमा सवार दुईको मृत्यु भएको छ।

दुर्घटनामा मोटरसाइकलमा सवार भिनपा–४ का २४ वर्षीय दिनेश दमाई र  २७ वर्षीय प्रकाश दमाईको मृत्यु भएको जिल्ला प्रहरी कार्यालयका प्रहरी नायब उपरीक्षक अमर बहादुर थापा क्षेत्रीले जानकारी दिए। 

घाइतेको उपचारका लागि महाकाली अस्पताल लगिएकामा अस्पतालले दुवैलाई मृत घोषणा गरेको थियो। प्रहरीले घटनापछि फरार रहेका बसका चालक वेदकोट नगरपालिका घर भएका माधव सिंह गडाल र बसलाई नियन्त्रणमा लिएर अनुसन्धान शुरु गरेको प्रहरी नायब उपरीक्षक थापा क्षेत्रीले जानकारी दिए।