कैलालीमा चोरी भएका दुइ मोटरसाइकल सम्बन्धित सवारी धनीलाई बुझाएको छ । कैलाली प्रहरीले चोरी भएका दुई मोटरसाइकल सम्बन्धित सवारी धनीलाई बुझाएको हो ।

आइतबार र सोमबार चोरी भएका मोटरसाइलक फेला पारी सम्बन्धित सवारी धनीलाई बुझाइएको जिल्ला प्रहरी कार्यालयका प्रहरी प्रवक्ता प्रहरी नायव उपरीक्षक प्रतिक बिष्टले  बताए ।

गोदावरी नगरपालीका ५ का चन्दे रानाको सु.प.प्र. ०१००८ प ८०२७ नम्बरको यामाहा एफजेड मोटरसाइकल र धनगढी उपमहानगरपालीका ४ का दिपेश प्रसाद देवकोटाको आफ्नै घरबाट चोरी भएको मोटरसाइकल प्रहरीले सम्बन्धित धनीलाई बुझाएको छ । 

रानाको मोटरसाइकल चोरी भएको उजुरी दिएपछि प्रहरीले खोजबिन गर्दा धनगढी उपमहानगरपालिका ३ शान्ति सामुदायिक वन नजिक फेला पारेको थियो, भने देवकोटाको मोटरसाइकल प्रहरीले सञ्चय कोष कार्यालय नजिक फेला पारेको थियो । घटनाबारे थप अनुसन्धान भइरहेको प्रहरीले जानकारी दिए ।